Kreu i Partisë Demokratike-Demokratët Euroatlantikë, Lulzim Basha, ka theksuar se sulmet terroriste të orkestruara nga Serbia dhe të frymëzuara nga Rusia në Kosovë janë një kërcënim serioz për paqen dhe stabilitetin e rajonit, si dhe për sigurinë e NATO-s në Europë. Basha ka theksuar se Shqipëria nuk mund të qëndrojë pasive, kur është në rrezik siguria e Kosovës, dhe ka kërkuar veprime konkrete për të ndihmuar vendin fqinj.

Ai ka rikujtuar se, që nga janari i këtij viti, ka depozituar në Kuvendin e Shqipërisë një amandament për të ofruar një ndihmë ushtarake prej 50 milionë eurosh për Kosovën, por ky propozim është mbajtur i mbyllur për shkak të interesave të ngushta të mazhorancës. Basha ka apeluar për reflektim në lidhje me dinamikën e sigurisë në rajon dhe ka kërkuar që Shqipëria të investojë në sigurinë e Kosovës, pasi kjo është një garanci për stabilitetin e gjithë rajonit.

Sulmet terroriste në Kosovë, të orkestruara nga Serbia e të frymëzuara nga Rusia, janë kambana alarmi për paqen dhe stabilitetin e rajonit, si dhe për arkitekturën e sigurisë së NATO-s në të gjithë Europën. Ndërsa partnerët ndërkombëtarë të kombit tonë po kryejnë detyrën e tyre në funksion të përmbajtjes së këtij agresioni malinj, Shqipëria nuk mund të qëndrojë duarkryq kur cënohet siguria e Kosovës.
Prej 22 janarit të këtij viti kam depozituar në Kuvendin e Shqipërisë një amandament për t’i garantuar 50 milionë euro ndihmë ushtarake Kosovës, i cili fatkeqësisht mbahet mbyllur në sirtaret e interesave të vogla e klienteliste të kësaj mazhorance. Sulmet terroriste të përsëritura në veri të Kosovës thërrasin për reflektim mbi dinamikën e re të sigurisë, e po ashtu janë një apel për veprime konkrete nga ana e Shqipërisë. Është koha që vendi ynë të flasë përmes veprave, duke investuar te siguria e Kosovës, që është garanci për sigurinë e gjithë rajonit.