Pas kërkesave të shumta të banorëve për pastrimin e kanalit të Naunkes, i cili prej vitesh paraqet probleme për shkak të ndotjes dhe përmbytjeve, Bashkia Vlorë ka nisur sot operacionin në terren.

Bruna Mersini, kryetarja e Bashkisë, u shpreh:

“Së bashku me Emergjencat Civile, po punojmë për të zgjidhur njëherë e mirë problematikat që ka shkaktuar prej kohësh në zonë, për shkak të ndotjes dhe përmbytjeve.”

Pastrimi i kanalit konsiderohet një domosdoshmëri për komunitetin e Rajonit 4, duke garantuar përmirësimin e qarkullimit të ujërave dhe parandalimin e problemeve të mëtejshme për banorët e zonës.