Bebe Rexha, këngëtarja e njohur me origjinë shqiptare, e cila ka arritur të kryesojë top-listat ndërkombëtare, u shfaq e thjeshtë dhe natyrale gjatë një daljeje të martën në Beverly Hills. Pa grim dhe larg shkëlqimit të tapetit të kuq, Rexha tërhoqi vëmendjen me pamjen e saj të papërpunuar, një kontrast me imazhin që ka ndërtuar gjatë karrierës ndërkombëtare.

Kjo ishte shfaqja e saj e parë publike pas lajmeve për largimin e saj nga Warner Records, pas një bashkëpunimi të suksesshëm që ka zgjatur për më shumë se një dekadë. Ky ndryshim në karrierë ka ngritur interesin e mediave dhe fansave, të cilët po spekullojnë për projektet e ardhshme të artistës.