Deputeti i Partisë Demokratike, Belind Këlliçi, ka deklaruar se është lënduar gjatë përpjekjeve të policisë për të shpërndarë protestuesit te Bashkia e Tiranës. Ai raportoi se forcat e rendit kanë përdorur ujë me piper dhe spray ndaj tij dhe disa protestuesve të tjerë.
“Hodhën ujë me piper. Arsyeja e përplasjes ishte se një grua u palos në tokë dhe ne po i thonim shoferit të makinës së policisë që po hidhte ujin që të ndalonte. Aty më goditën mua dhe kryetaren e degës nr. 9. Na goditën policët me bombula spray në fytyrë. Nuk ishte aspak e nevojshme,” tha Këlliçi në një prononcim televiziv.
Deputeti gjithashtu theksoi se nuk kanë asgjë personale me forcat e policisë, por kërkuan që këto të qëndronin larg dhe të shmangnin provokimet. “Nuk kemi asgjë me policët, u kemi kërkuar vetëm që të qëndrojnë larg, por vetëm kanë provokuar,” përfundoi ai.
Incidenti ka rritur tensionet gjatë protestës, duke nxitur akuza nga opozita për përdorim të tepruar force nga policia.
