Ish-kryeministri Berisha gjatë fjalës ë tij në Kuvend ka kërkuar 1 minutë heshtje për muxhahedinin që ndërroi jetë nga përplasjet me policinë.

Kjo kërkesë nuk u respektua nga socialistët ku dhe filluan të kundërshtonin fjalën e tij, duk e akuzuar se po politizon këtë ngjarje.

Më tej Berisha ka hedhur akuza të rënda ndaj qeverisë dhe Policisë së Shteti, duke i akuzuar se janë ata që kanë vrarë një nga anëtarët e muxhahedinëve, pas përplasjes në kampin Ashraf3. Ai kërkoi gjithashtu dorëheqjen e ministrit të Brendshëm, Çuçit dhe theksoi se ky ishte një operacion i dështuar policor me pasoja të rënda.

“Qeveria amorale e këtij vendi vrau në strehë të vet një luftëtarë lirie. Ndihem sot muxhahedin më shumë se kurrë sepse aktakuza e djeshme është historia më e turpshme për një vend. Aktakuza kishte elementë të poshtërimit të shqiptarëve, si vasalë të Iranit!”, tha Berisha.

Nga ana tjetër kreu i grupit parlamentar Balla replikoi me Berishën duke e akuzuar se kërkon të përdorë ngjarjen. Ai tha se rendi i ditës nuk mund të ndryshohet pasi ka një procedurë.

“Ka një formë për paraqitjen e kërkesave për ndryshimin e rendit të ditës. Ky që bën….”, ka replikuar Balla.