Sali Berisha ka qenë sot në Fushë Arrëz, ku prezantoi kandidatin Hil Curri. Nga atje, ish-kryeministri denoncoi si nga çdo vend tjetër i Shqipërisë, vjedhjet që sipas tij kryeministri Edi Rama ka bërë ndaj shtetit shqiptar, por përmend këtu dhe ngrirjen e rrogave në 8 vite. Berisha tregon që nëse vjedh kryeministri vjedh i gjithë zinxhiri, kjo ndodh, shton ai, në pushtetin vendor dhe në drejtoritë e tij.

Berisha:

Frani këtu është miniaturë e Ramës. Të tillë janë këta. Pse po ikin shqiptarët sikur në këtë vend të kishte rënë kolera? Kaq pak të lidhur qenkan me familjet? Jo. Rama në 8 vite ngriu rrogat, por në kushte tregu çmimet u rritën, forcë në botë që të pengojë rritjen e çmimeve nuk ka, Qeveritë për të mbrojtur qytetarët rrisin rroga e pensione.

Vota më 14 maj është votë për veten tënde. Pse i ngriu rrogat, ç’bëri me paratë? Dyfishoi taksat. në 2022 ka mbledhur 5.8 mld euro nga taksat tuaja.

Kalimashi ka kushtuar 17 mln euro kilometri, tuneli i Kërrabës 14 mln euro kilometri, në Europë një kl rrugë është 2-3 milion.

Prokurojnë për së pari, për së dyti e më radhë. Nëse vjedh kryeministri vjedh i gjithë zinxhiri. Kjo ndodh në pushtetin vendor, në drejtoritë e tij.

Njerëzit nuk kanë alternativë vetëm se të ikin.