Gjatë 24 orëve të fundit në vend janë evidentuar 34 vatra zjarri, prej të cilave 17 vijojnë të jenë aktive, 6 janë nën monitorim, ndërsa 11 janë shuar. Situata mbetet problematike në disa zona malore dhe të pyllëzuara, ku terreni i vështirë e pengon ndërhyrjen tokësore.

Zonat më të prekura:
• Parku Kombëtar i Lurës (Dibër): Dy vatra të mëdha në drejtim të Fushës së Pelave dhe Gurë-Lurës po përpijnë sipërfaqe të pyllëzuara. Të angazhuar mbi 54 forca.
• Zall Gjoçaj (Mat): Zjarri me shtrirje mbi 14 km po zhvillohet në tre fronte. Në terren janë 54 efektivë dhe pritet të mbërrijnë edhe 45 të tjerë.
• Qafë Buall (Bulqizë) dhe Mali i Allushit (Klos): Situata mbetet kritike, megjithë ndërhyrjen nga ajri me helikopterë dhe praninë e 130 forcave.
• Delvinë: Në fshatin Kalas, flakët, të favorizuara nga era, u afruan pranë banesave. Banorët u evakuuan në kohë.
• Himarë – Piqeras dhe Sasaj: Situata u bë kritike gjatë natës, por ndërhyrja tokësore dhe ajrore, përfshirë avionin Canadair italian, arriti të neutralizojë rrezikun për banesa.
• Konispol: Vatra në Markat, e përhapur drejt Shalës, është izoluar falë ndërhyrjes së FA.
• Fang (Rubik) dhe Kulme (Rrëshen): Terreni i vështirë vështirëson ndërhyrjen; situata në Kulme është në kontroll.
• Korçë: Zjarri mes Dishnicës dhe Barçit është aktiv, por pa rrezik për banesat.
• Parku i Prespës (Pustec): 100 forca po luftojnë flakët që vijojnë me intensitet të ulët.
• Gjirokastër: Në Fushëbardhë dhe pranë tunelit të Skërficës, flakët janë në lartësi të paarritshme, ndërhyrja është fokusuar për të mos lejuar përhapjen në zonat e mbrojtura.
• Alpet Shqiptare dhe Shkëlzen (Tropojë): Vatrat ndodhen në terrene të paarritshme me këmbë, ndërhyrja ajrore po vlerësohet si e vetmja mundësi.
• Tiranë: Në Shëngjergj dhe Ibë janë aktive disa vatra, por nën kontroll. Forcat e MZSH dhe helikopterët kanë penguar përhapjen.

Autoritetet raportojnë se operacionet vijojnë pa ndërprerje, me mbështetje të forcave të armatosura, mjete zjarrfikëse, helikopterë dhe avionë të Mekanizmit Europian të Mbrojtjes