Kryetari i Partisë Demokratike, Sali Berisha ka reaguar ashpër sot pas bojkotit të pritshëm që do ti bëjë Tirana zyrtare samitit të BE-së ditën e nesërme në Bruksel.
“Në këtë proces të pranimit nga Edi Rama të hegjemonisë serbe në rajon u formua aleanca trilaterale me Jugosjallinë e vjetër plus Shqipërinë se Kosovën e konsideron pjesë të territorit të Serbisë. Në këtë proces u konsoliduan lidhjet jo vetëm me Beogradin, por edhe me Moskën. Ky process solli një përçarje dhe luftë të ftohtë mes Shqipërisë dhe Kosovës. Ky process solli atë të cilën asnjë shqiptar që ëndërron, apo që sheh sit ë ardhmen më të mirë të vendit të tij dhe të fëmijëve të tij bë BE, nuk mund ta imagjinonte. Ndodhi që një aventuries, vasal pa interesa vendi dhe interesa kombëtare të deklarojë dje se refuzoj ftesën dhe nuk kam pse shkoj në Bruksel. Ky vendim merret në Beograd dhe shpall. Kurse ky (Rama) e thotë çfarë vendos padroni. Kurrë ndonjëherë fati ynë nuk ka qenë më larg duarve tona se sa këtë herë.
Kjo tregon se aleanca trilaterale Beograd, Tiranë, Shkup është absolutisht pro ruse dhe është anti Bashkim Evropian.
Rama paralajmëroi që do ndryshojë drejtimin dhe dje ai shpalli ndryshimin e drejtimit, ai midis Brukselit dhe Beogradit zgjodhi Beogradin, mes procesit të Berlinit dhe Ballkanit të Hapur ruso serb, zgjodhi Ballkanin ruso serb. Sikur këtu të mos ishte një popull që ka aspiratat më të larta për integrimin evropian”,tha Berisha.
