Një muaj pas lirimit, biznesmeni italian Davide Pecorelli ka folur për përvojën e tij në Shqipëri, ku qëndroi i ndaluar pas inskenimit të zhdukjes së tij në Pukë. Pecorelli tregon se jetesa në qeli e kishte rënduar deri në sëmundje dhe bën thirrje që qeveria të mbyllë burgun 313 për shkak të kushteve të vështira.

“U trajtova si një kriminel dhe kushtet e qelisë ishin jashtëzakonisht të rënda,” shprehet ai, duke përshkruar vuajtjet e muajve të kaluar. Megjithatë, Pecorelli thekson se do të heqë dorë nga nënshtetësia italiane për t’u pajisur me atë shqiptare.

Biznesmeni italian inskenoi vdekjen e tij në fshatin Gjegjan të Pukës dhe më pas angazhoi dy skuadra hetimore, shqiptare dhe italiane, për ta gjetur. Pas disa muajsh u zbulua nga autoritetet, pa dhënë një shpjegim bindës për veprimet e tij.

Gjykata e Shkodrës e dënoi fillimisht me 5 vite burg, por Apeli vendosi ta lirojë, duke i dhënë Pecorellit mundësinë të rifillojë jetën jashtë qelisë.