Detaje të reja kanë dalë në lidhje me ngjarjen e ndodhur në fshatin Rrenxa në Bushat të Vaut të Dejës, ku ka pasur një shkëmbim zjarri mes dy mjeteve, njëri prej të cilëve ishte një automjet i blinduar tip ‘Audi’ me targa gjermane.

Nga këqyrja e vendit të ngjarjes, raportohen rreth 30 gëzhoja armësh të ndryshme të gjetura në zonë, të cilat tregojnë shkallën e intensitetit të përplasjes. Në momentin që është qëlluar automjeti i blinduar, ai ka qenë i ndaluar, dhe pas shkëmbimit të zjarrit, drejtuesi i tij është larguar nga vendngjarja.

Policia ka identifikuar një person të përfshirë në këtë ngjarje, megjithatë, emri i tij nuk bëhet i ditur për shkak të ndjeshmërisë së hetimeve të vazhdueshme. Autoritetet po punojnë për të zbardhur rrethanat e incidentit dhe për të identifikuar të gjithë të përfshirët në këtë ngjarje të rëndë.