Tiranë – Një incident i rëndë dhune ka ndodhur në ambientet e Komisionit Zonal të Administrimit të Zgjedhjeve (KZAZ) Nr. 30, ku një shtetas ka sulmuar fizikisht një përfaqësues të administratës zgjedhore.
Policia njoftoi se është arrestuar shtetasi R. N., 26 vjeç, pasi më 12 maj ka goditur me grushte dhe shkelma shtetasin R. M., i cili mban detyrën e sekretarit të KZAZ-së.
Në lidhje me të njëjtin incident, është shpallur në kërkim shtetasi O. D., 40 vjeç, i cili dyshohet se është përfshirë në konfliktin fizik. Autoritetet bëjnë me dije se po punohet për lokalizimin dhe kapjen e tij, ndërsa materialet procedurale janë referuar në Prokurorinë e Tiranës për hetime të mëtejshme.
Policia nuk ka dhënë detaje mbi shkaqet e konfliktit, por theksoi se po vijon puna për dokumentimin e plotë të ngjarjes. Ky incident vjen në një moment të ndjeshëm paszgjedhor, duke ngritur shqetësime mbi sigurinë e administratës zgjedhore dhe klimën e tensionuar politike.
