Manjati rus Mikhail Watford është gjetur i varur në garazhin e shtëpisë së tij në Angli. Trupi i pajetë u gjet nga kopshtari i tij në Wentworth Estate në Virginia Water, Surrey.

Watford ishte baba i tre fëmijëve. Fillimisht ai e kishte ngritur pasurinë e tij nga rafineritë e naftës në Ukrainë dhe më pas në fillim të viteve 2000 ishte transferuar në Angli. Një mik i familjes tha: “Gjendja e tij shpirtërore mund të jetë ndikuar nga situata në Ukrainë”.

Sakaq autoritetet angleze po hetojnë në lidhje me vdekjen e tij, pasi ka dyshime se ai mund të ketë qenë pjesë e listës së zezë të rusëve, pasi koha e vdekjes së tij dhe sulmi rus ndaj Ukrainës nuk mund të jenë një rastësi.

Një tjetër bashkëpunëtor i Watford tha: “Vdekja e tij ngre pikëpyetje. Pas të gjitha vdekjeve të tjera të dyshimta të shtetasve dhe bashkëpunëtorëve rusë në MB, është e natyrshme që do të ketë spekulime për vdekjen e tij.”

Ai dhe gruaja e tij estoneze, Jane, jetonin me dy fëmijët e tyre dhe një djalë më të madh nga martesa e tij e parë në një rezidencë prej 18 milionë dollarësh në Wentworth Wstate.