Soni Malaj ka zgjedhur “Grida Duma Podcast” për një rrëfim personal, ku përtej karrierës së gjatë në muzikë ka folur hapur për dashurinë, familjen, divorcin, sakrificat dhe pengjet që kanë mbetur pas.

Këngëtarja, një prej emrave të njohur të muzikës shqiptare, ka ndarë me Grida Dumën histori dhe reflektime që shkojnë përtej skenës dhe suksesit profesional.

Një prej momenteve më personale të bisedës lidhet me familjen dhe dëshirën e saj për të pasur një familje më të madhe.

“Kam ëndërruar për një familje më të madhe. Do doja të kisha edhe dy fëmijë të tjerë”, rrëfehet Soni Malaj.

Këngëtarja ka folur edhe për mënyrën se si karriera dhe angazhimet e shumta kanë ndikuar në jetën e saj personale. Sipas saj, ritmi i një artisteje dhe detyrimet profesionale kanë kërkuar sakrifica dhe zgjedhje të vështira.

“S’kam dashur t’i marr fytyrën familjes sime”, shprehet ajo, duke treguar për përpjekjen për të ruajtur ekuilibrin mes jetës publike dhe asaj private.

Në bisedën me Grida Dumën, Soni Malaj është ndalur edhe te dashuria dhe divorci, duke folur jo vetëm për atë që është parë publikisht, por edhe për emocionet, zgjedhjet dhe pasojat që kanë mbetur pas një historie personale.

“Ka gjëra që i kam lënë pas dhe që sot i shoh ndryshe”

Një tjetër pjesë e rrëfimit lidhet me karrierën muzikore dhe çmimin që ajo mund të ketë pasur në jetën e saj.

Pavarësisht suksesit, viteve në skenë dhe karrierës së gjatë në muzikë, këngëtarja pranon se me kalimin e kohës ka nisur t’i shohë disa prej zgjedhjeve të saj me një tjetër këndvështrim.

“Ka gjëra që i kam lënë pas dhe që sot i shoh ndryshe”, është një tjetër prej momenteve të reflektimit të Sonit gjatë bisedës.

Rrëfimi i saj sjell një tjetër anë të artistes, përtej muzikës dhe skenës, duke prekur dëshirat e papërmbushura, sakrificat dhe zgjedhjet që kanë shoqëruar jetën e saj personale e profesionale.