Pas një interrogatori treorësh në Prokurorinë e Posaçme Antikorrupsion (SPAK), drejtoresha e AKSH-it, Mirlinda Karçanaj, u largua nga selia e prokurorisë.

Para kamerave, ajo refuzoi të bëjë deklarata, duke i “kyçur gojën” gazetarëve dhe duke mos komentuar hetimet që po zhvillohen për procedurat e dyshuara të prokurimit në institucion.

Kujtojmë që në fillim të muajit nëntor, Partia Demokratike ka denoncuar Agjencinë Kombëtare të Shoqërisë së Informacionit se ka bërë kontrata të dyshimta me vlerë miliona euro.

Sipas Partisë Demokratike janë shpenzuar 7 milionë euro me TVSH gjatë periudhës 2018-2025, duke përdorur procedura të mbyllura dhe pa transparencë, me negocim pa shpallje të njoftimit të kontratës, dhe me të njëjtin përfitues në çdo rast.

Partia Demokratike i ka kërkuar SPAK të nisë menjëherë hetimet për këto kontrata dhe të japë përgjigje për pyetjet thelbësore që prekin interesin publik.