Momente surprizuese kanë ndodhur mbrëmjen e sotme brenda shtëpisë së Big Brother VIP Kosova, kur banori Edi më në fund ka mësuar të vërtetën për vendndodhjen e Dolces. Produksioni kishte paralajmëruar se informacioni do të zbulonte pjesë e një loje të re, dhe rezultoi se Dolce gjendet aktualisht në reality show-n italian “Grande Fratello”.
Ky lajm ka ardhur me një kosto të konsiderueshme për banorët e BBVK-së: 7000 euro u zbritën nga çmimi i madh vetëm që Edi të merrte vesh të vërtetën.
Në momentin kur iu transmetua klipi, Edi u shfaq dukshëm i habituri dhe i tronditur. Në video, Dolce shpjegonte “lojën” që kishte luajtur duke i bërë banorët të besonin se do të përballeshin me gjyq, ndërkohë që ajo po jetonte aventurën e saj të re në Itali. Në pamjet e shfaqura, Dolce shihej e qeshur dhe e lirshme mes banorëve italianë, duke shijuar maksimalisht përvojën e re.
Pas transmetimit të klipit, Vëllai i Madh i sqaroi Edinit se Dolce ishte në Itali prej disa ditësh, duke realizuar një prej surprizave më të mëdha të këtij edicioni. Lajmi duket se i solli Edinit lehtësim, pasi ai shpesh kishte shprehur shqetësimin për mungesën e saj dhe dëshirën që ajo të rikthehej.
Pasi pa videon, Edi u shpreh:
“Edhe pse larg, shpresoj se lidhja jonë mund të vazhdojë.”
Ky moment i surprizuar ka treguar emocionin dhe përkushtimin e banorit për Dolcen, duke bërë të qartë se distanca dhe lojërat e produksionit nuk e kanë zbehur shpresën e tij.
