Një ngjarje e rëndë është raportuar nga Përmeti, ku një efektiv policie me inicialet A. A., 56 vjeç, dyshohet se ka pasur një marrëdhënie intime me një vajzë 16-vjeçare nga Këlcyrja. Rasti u bë publik përmes një postimi në rrjetet sociale, çka çoi menjëherë në nisjen e hetimeve nga Drejtoria Vendore e Policisë Gjirokastër dhe Agjencia e Mbikëqyrjes Policore (AMP).

Grupi hetimor ka zbuluar se ngjarja lidhet me disa video me përmbajtje intime, të cilat janë shpërndarë virtualisht dhe janë në posedim të disa të rinjve, shokë të vajzës. Dyshohet se këta persona kanë tentuar ta shantazhojnë efektivin, duke i kërkuar para në këmbim të mospublikimit të materialeve.

Deri tani, janë shoqëruar shtatë persona, ndërsa hetimet vazhdojnë për të zbardhur plotësisht ngjarjen dhe rolin e secilit individ të përfshirë.