Miqësia mes Efi Dhedhes dhe Mikela Pupës ka qenë shpesh në qendër të vëmendjes së fansave të tyre, të cilët kanë ngritur dyshime për një ndarje mes vajzave. Edhe pse ata e kanë hedhur poshtë këto spekulime duke shpjeguar se angazhimet e shumta i kanë penguar të takohen shpesh, tani duket se ka ndodhur një ndryshim i dukshëm në marrëdhënien e tyre.

Efi dhe Mikela kanë hequr njëra-tjetrën nga ndjekësit në Instagram, një shenjë që ka nxitur më shumë spekulime për një ndarje të mundshme të miqësisë. Ky veprim ka bërë që fansat të mendojnë se marrëdhënia e tyre mund të ketë përfunduar.

Të dy vajzat e njohura për miqësinë e tyre të ngushtë u njoftuan për herë të parë në emisionin “Përputhen” dhe vazhduan këtë lidhje në emisionin “Big Brother Vip Albania”. Pas ndarjes nga ky i fundit, nisën të shfaqeshin tensione, veçanërisht pasi Efi vendosi të vazhdonte në lojë pa Mikelën. Megjithatë, ato e theksuan miqësinë e tyre dhe vazhduan të mbështesnin njëra-tjetrën në publik, duke përfshirë prezencën e Efit në festën ku Mikela zbuloi gjininë e bebit që po priste.

Sidoqoftë, ndarjet në Instagram dhe mungesa e komunikimit të mëtejshëm kanë nxitur aludime për një ndarje të mundshme të miqësisë së tyre, edhe pse ende nuk janë dhënë detaje të tjera për arsyet e mundshme të kësaj ndarje.