Deputeti i Partisë Socialiste, Etjen Xhafaj, në një intervistë televizive ka folur për zhvillimet në seancën plenare të sotme, e cila përsëri shoqërohej nga kaosi krijuar nga deputetët e opozitës. Xhafaj theksoi se dora e mazhorancës mbetet e shtrirë për të bashkëpunuar me opozitën.
“Fatkeqësisht jemi në të njëjtën situatë. Dora e PS dhe e kësaj mazhorance vazhdon të jetë e shtrirë për të diskutuar ato që janë kërkesat kryesore të opozitës. Prapë ka pasur një përpjekje nga deputetët e opozitës për të ngjitur parrulla, dhe përsëri garda u detyrua të ndërhyjë.”
Xhafaj shtoi se detyra e tyre kryesore është të bëjnë ligje dhe se marrja peng e sallës së parlamentit nuk mund të vazhdojë për një kohë të gjatë për cdo temë që diskutohet. Ai përfundoi duke theksuar se kaosin nuk e lejojnë të vijojë përgjatë këtyre vitëve të fundit.
