Në Gjenevë të Zvicrës, në një ankand të organizuar nga Christie’s, do të dalin në shitje orët e Ferrari të Michael Schumacher, të dhuruara nga mikët e tij të ngushtë si Jean Todt dhe Uilli Ueber.
Dy orët më të shquara pritet të jenë një model i veçantë FP Journe Vagabondage 1, e dhuruar nga Todt në 2004, dhe një Audemars Piguet Royal Oak nga viti 2003, e personalizuar dhe dhuruar nga Todt për Schumacher.
Dy nga gjërat më të vlefshme në ankand janë dhuratat e bëra me porosi nga miku i ngushtë i familjes dhe ish-shefi i Ferrarit, Jean Todt. Një nga orët, një model i veçantë FP Journe Vagabondage 1, i dhuruar gjatë Krishtlindjeve nga Todt te Schumacher në festimin e kampionatit të shtatë botëror të yllit të F1 në 2004, pritet të kushtojë midis 1.7 milionë – 3.4 milionë dollarë.
Së bashku me stemën e Ferrarit, dizajnin e kaskës së Schumacher dhe simbolet që përfaqësojnë shtatë titujt e kampionit, ora përmban një mesazh të gdhendur që thotë: “Krishtlindja 2004 – Jean Todt për mikun tim Michael Schumacher.”
Një dhuratë e dytë e Krishtlindjeve nga Todt për Schumacher, një orë e personalizuar Audemars Piguet Royal Oak nga viti 2003, është gjithashtu në ankand dhe pritet të shitet nga 255.000 deri në 425.000 dollarë.
Pesë orët FP Journe të vitit 2004 me prodhim të kufizuar do të jenë gjithashtu të disponueshme për blerje, për një vlerë totale prej 1.8 milionë deri në 3 milionë dollarë.
Një aset “historikisht i rëndësishëm, jashtëzakonisht i rrallë dhe shumë tërheqës” ëshë edhe Rolex Daytona 14 karat prej ari, një dhuratë nga menaxheri shumëvjeçar i Schumacher Uilli Ueber, e cila pritet gjithashtu të shitet në ankand muajin e ardhshëm me vlerë nga 425.000 deri në 850.000 dollarë.
