Euro 2024 ka përfunduar fazën e grupeve dhe tani fokusi është tek faza e 1/8. Tabela e rrugëtimit të ri të ekipeve drejt finales së Berlinit i ka grupuar ato në dy krahë të kundërt. Në njërën anë janë Gjermania, Spanja, Portugalia dhe Franca, të cilat do të luftojnë për një vend në finale. Në krahun tjetër janë Italia, Anglia dhe Holanda, të cilat do të përplasen për vendin tjetër në finale.
Italia do të luajë të shtunën me Zvicrën në takimin e parë të 1/8 dhe fituesja e këtij çifti do të përballet në çerekfinale me fituesen e çiftit Angli-Sllovaki, ndeshje që luhet të dielën. Holanda të martën përballet me Rumaninë dhe fituesja e këtij dueli do të luajë në çerekfinale me fituesen e duelit Austri-Turqi.
Në krahun tjetër të tabelës, Gjermania, si vend organizator, do të përballet të shtunën në mbrëmje me Danimarkën. Fituesi i kësaj sfide do të luajë në çerekfinale me fituesin e çiftit Spanjë-Gjerogji, ndeshje e 1/8 që luhet të dielën.
Të hënën janë dy ndeshje të tjera të 1/8: Franca kundër Belgjikës në një ndeshje shumë interesante dhe Portugalia përballë Sllovenisë, ku luzitanët janë favoritë. Ekipet që fitojnë nga këto përballje do të luajnë kundër njëra-tjetrës në çerekfinale.
Euro 2024 ka lënë pas ngjeshjen dhe llogaritë e fazës së grupeve dhe tani është koha për emocionet më të mëdha. Çdo humbje do të thotë kthim në shtëpi për ekipet pjesëmarrëse, ndërsa tensioni dhe pritshmëritë janë në kulm për të parë se kush do të arrijë në finalen e Berlinit.
