Shtëpia më e famshme në Shqipëri, ajo e “Big Brother VIP Albania 4”, vazhdon të jetë në epiqendër të vëmendjes publike, me finalistët që tashmë janë bërë pjesë e përditshmërisë së publikut përmes historive, emocioneve dhe marrëdhënieve të krijuara gjatë rrugëtimit të tyre.

Në një intervistë të zhvilluar nga Jonida Aliçkolli dhe Elona Duro, katër finalistët e këtij edicioni – Laert Vasili, Rozana Radi, Gjesi dhe Egli Tako – u ftuan të ndajnë reflektime mbi eksperiencën e tyre në BBV4.

Intervista e parë u zhvillua me aktorin Laert Vasili, i cili foli me sinqeritet për përjetimet e tij:

Jonida: Ke thënë nuk jam shenjtor. Big Brotherit çfarë i ke dhënë?

Laerti: Laertin e djeshëm, që ti vjen e përshkruan këtë Laertin e sotëm. Sa kohë jam pëlqyer nga jashtë, ia kam dalë.

Jonida: A ke qenë i përgatitur për dashuri?

Laerti: Jo, nuk kam qenë dhe nuk jam. Vjen si rrufe dhe të bën shkrumb…

Jonida: Domethënë ndodhi…

Laerti: Po, me uljet dhe ngritjet e saj… E para, do ketë një takim minimumi, që të shprehen edhe gjërat që janë thënë apo nuk janë thënë. Nuk isha i përgatitur për të pasur një ndjenjë. Unë e kam paragjykuar formatin në dalje të mia televizive. Kur hyra, s’kam qenë i përgatitur për këtë gjë dhe ka ardhur pa qenë unë i ndërgjegjshëm.

Intervistat me finalistët e tjerë pritet të sjellin më shumë zbulesa dhe emocione ndërsa spektakli i madh i finales afrohet.