Lezhë — Një ngjarje e rëndë është shënuar në orët e para të mesnatës, rreth orës 01:00, përgjatë superstradës Lezhë-Milot, ku një biznes gomisterie është përfshirë nga një zjarr i fuqishëm.
Për shkak të lëndës djegëse dhe gomave, flakët kanë marrë me shpejtësi përmasa masive, duke krijuar panik te banorët e zonës dhe duke vënë në rrezik serioz banesat private si dhe një hotel që ndodhej ngjitur me biznesin.
Ndërhyrja e zjarrfikësve shmang tragjedinë
Forcat e shërbimit zjarrfikës që mbërritën me urgjencë në vendngjarje angazhuan menjëherë të gjitha kapacitetet për izolimin e vatrës kryesore. Falë ndërhyrjes së shpejtë e të koordinuar, efektivët arritën të shmangnin depërtimin e zjarrit drejt strukturave të hotelit dhe banesave përreth.
Vijon monitorimi për shkak të erës
Pavarësisht vënies nën kontroll të situatës kryesore, grupet operacionale po vijojnë monitorimin e imtësishëm të terrenit. Për shkak të erës së fortë që frynte në zonë, me kalimin e orëve ka patur riaktivizime sporadike të vatrave të zjarrit. Megjithatë, autoritetet konfirmojnë se këto riaktivizime janë të izoluara dhe nuk paraqesin më rrezik për përhapjen e flakëve në objektet e tjera.
Grupi hetimor po punon për zbardhjen e plotë të shkaqeve që çuan në rënien e zjarrit.