Kandidatja për deputete e Partisë Socialiste në Rajonin 3, Briseida Cakerri, zhvilloi sot një ditë intensive takimesh në terren, ku vizitoi lagje të ndryshme dhe biznese në bulevardin “Ismail Qemali” dhe rrugën “Hajredin Haxhiraj”.
Gjatë këtyre takimeve, ajo bashkëbisedoi me qytetarë dhe përfaqësues të bizneseve për çështjet që i shqetësojnë, sfidat e përditshme dhe idetë për përmirësimin e jetës në komunitet.
“Dialogu me qytetarët është thelbësor për të ndërtuar politika të ndershme, të dobishme dhe të qëndrueshme për të gjithë. Angazhimi ynë është i përditshëm, në terren, pranë njerëzve,” tha Cakerri pas takimeve.
Kandidatja e PS-së u prit me interes në zonat e vizituara, ndërsa fushata në Rajonin 3 vijon me ritme të larta dhe përkushtim të plotë nga strukturat socialiste.
