Futbollistja spanjolle Jenni Hermoso ka dëshmuar në gjykatë kundër ish-presidentit të Federatës Spanjolle të Futbollit, Luis Rubiales, duke thënë se ai e puthi pa pëlqimin e saj pas fitores së Kupës së Botës 2023.

Në dëshminë e saj, Hermoso deklaroi se nuk kishte dhënë pëlqimin për puthjen, duke shtuar se veprimi i Rubiales e kishte bërë të ndihej e “pa respektuar dhe e shokuar”.

“U ndjeva e tronditur. Një nga ditët më të lumtura të jetës sime u njollos. Nuk e kam kërkuar kurrë atë puthje, aq më pak e prisja që të ndodhte. Ishte mungesë respekti”, tha ajo.

Rubiales, 47 vjeç, akuzohet për sulm seksual dhe presion ndaj Hermosos për ta detyruar të deklaronte se puthja kishte qenë me pëlqim. Nëse shpallet fajtor, ai mund të përballet me dy vite e gjysmë burg:

•1 vit për sulm seksual
•18 muaj për përpjekjet për të detyruar Hermoson të minimizonte incidentin.

Hermoso, e cila aktualisht luan për Tigres në Meksikë, gjithashtu dëshmoi se federata kishte përgatitur një deklaratë në emrin e saj pas incidentit, duke tentuar të zbutte situatën.

Ky rast ka shkaktuar një debat të madh mbi barazinë gjinore dhe abuzimin e pushtetit në sport, duke nxitur mbështetje të madhe për Hermos