Pas 14 muajsh në burg Dani Alves do të lërë qelinë. Futbollisti brazilian, i dënuar me 4 vite e 6 muaj burg pak ditë më parë për abuzim seksual, pritet të paguajë 1 milionë euro garanci.

Vendimi u mor të martën nga gjykata e Barcelonës, që ka vendosur gjithashtu disa kushte për ish-futbollistin e Barcelonës. Atij do t’i mbahen të dy pasaportat, braziliane dhe spanjolle, ndërsa do të paraqitet sa herë të thirret në gjykatë deri në një vendim përfundimtar.

Dani Alves gjithashtu nuk duhet t’i afrohet më shumë se 1 kilometër shtëpisë së personit të abuzuar, ndërsa e njëjta gjë vlen për punën dhe ambientet që ajo frekuenton.