Gjatë protestës në Sheshin “Willson”, deputeti Gazment Bardhi u përplas verbalisht me efektivët e policisë, duke i akuzuar për veprime të tepruara ndaj opozitës. Ai e kritikoi policinë për dhunë dhe për rrethimin e deputetëve të opozitës me forca speciale.
“Asnjë arsye as për të dhunuar, as për të rrethuar deputetë të opozitës me forca speciale. Ne nuk jemi kriminelë!” – deklaroi Bardhi.
Ai shtoi se forcat e rendit duhet të përqendrohen në kapjen e elementëve kriminalë në vend dhe jo në shtypjen e protestuesve. “Nëse ju keni forcë, ekzekutoni urdhërarrestet për bandën e Elbasanit, se keni kapur vetëm 5 nga 19. A ke forcë? Shko kap bandën e Elbasanit! Këta janë kundër popullit, qytetarëve dhe deputetëve të opozitës” – përfundoi Bardhi.
Fjalët e tij pasqyruan zhgënjimin e opozitës ndaj trajtimit të protestës dhe theksuan kërkesën për një qasje më të drejtë nga ana e institucioneve të sigurisë.
