Drejtori i OSHEE-së në Lezhë është dhunuar nga persona ende të paidentifikuar.

Raportohet se ngjarja ka ndodhur mbrëmjen e sotme në zonën e Shënkollit, ku 43-vjeçari Edmir Perndreca është gjetur brenda në makinë me fraktura në disa pjesë të trupit.
Sapo është konstatuar ai është marrë menjëherë dhe është transportuar në spitalin e Lezhës, por pasi mori ndihmën e parë mjekësore aty është nisur drejt Spitalit të Traumës në Tiranë.

Policia ka nisur hetimet për zbardhjen e ngjarjes.

Edmir Perndreca 43-vjec, mban prej me shume se një viti poston e drejtuesit të OSHEE.

Lezhë / Informacion paraprak

Në aksin rrugor Shënkollë – Lezhë, automjeti i OSHEE-së që drejtohej nga shtetasi E. P. 43 vjeç, banues në Lezhë, me detyrë drejtor i OSHEE Lezhë, është goditur nga mbrapa nga një automjet tjetër. Pas goditjes, drejtuesit e automjeteve janë përfshirë në konflikt si dhe dy pasagjerët e automjetit tjetër, të cilët e kanë dhunuar fizikisht shtetasin E. P.

Shtetasi E.P, ka marrë dëmtime fizike dhe po mjerr ndihmë mjekësore ku aktualisht është jashtë rrezikut për jetën.

Grupi hetimor në drejtimin e Prokurorisë së Rrethit Gjyqësor Lezhë, vazhdon veprimet hetimore për zbardhjen e plotë të rrethanave të ngjarjes.

Strukturat hetimore të Drejtorisë Vendore të Policisë Lezhë janë angazhuar maksimalisht për identifikimin, kapjen dhe shoqërimin e autorëve për veprime të mëtejshme.