Lufta në Ukrainë ka ndezur sërish debatin për rikthimin e shërbimit ushtarak në Gjermani, dhe tashmë duket se është arritur një marrëveshje politike mes forcave kryesore.

Sipas televizionit publik gjerman ARD, drejtuesit e grupeve parlamentare të CDU/CSU dhe SPD kanë rënë dakord mbi parimet bazë të organizimit të shërbimit ushtarak të ardhshëm.

Marrëveshja u arrit pas një takimi në Berlin, ku morën pjesë ministri i Mbrojtjes Boris Pistorius (SPD), përfaqësues të koalicionit qeverisës dhe opozitës, si dhe ekspertë të mbrojtjes nga të dyja palët.

Në konsultime ishin të pranishëm Jens Spahn (CDU) dhe Matthias Miersch (SPD), drejtuesit e grupeve parlamentare të dy partive, të cilët ranë dakord për krijimin e një modeli të ri shërbimi ushtarak, që pritet të kombinojë elementë të detyrimit dhe vullnetarizmit.

Ky është hapi i parë drejt një reforme të mundshme të mbrojtjes kombëtare, në një kohë kur Berlini përballet me rritjen e presionit për të forcuar ushtrinë pas agresionit rus në Ukrainë.