Një ngjarje e rëndë ka tronditur Greqinë, ku një 39-vjeçar shqiptar, Gentian Mino, ka vrarë gruan e tij rumune, Jana Bajan, 29 vjeç. Vrasja është ndodhur në zonën e Kaminias në Heraklion të Kretës.

Sipas mediave greke, Gentian Mino dyshohet se ishte i dehur në momentin kur ka qëlluar me armë zjarri ndaj gruas së tij, e cila fatkeqësisht humbi jetën.

Ai u ka thënë autoriteteve se pasi ishte kthyer në banesë kishte debatuar me viktimën. Në sherr e sipër, nxorri një pistoletë që mbante në banesë pa leje dhe qëllloi dy herë mbi të. Njëri prej plumbave e goditi Jana Bajan në kokë duke e lënë të vdekur në vend.

Pas vrasjes, Gentian Mino ka telefonuar vetë policinë duke i treguar për aktin e rëndë dhe më pas është arrestuar. Ai rezulton i njohur për autoritetet pasi ka një precedent penal për trafik dhe përdorim të lëndëve narkotike.