Gruaja e të ndjerit Shpat Kasapi, Selvije Jao, ka ndarë një mesazh tronditës dhe thellësisht emocionues, ku përshkruan momentet e fundit me bashkëshortin dhe dhimbjen e pamasë që ka përfshirë familjen pas humbjes së tij të papritur.

Në rrëfimin e saj, Selvija tregon se çifti ishte në prag të udhëtimit drejt Italisë për trajtimin e vogëlushit Roel. Familja, thotë ajo, po përballonte një periudhë të lodhshme e të mbushur me stres, duke bërë çdo përpjekje për shëndetin e djalit të tyre.

“Ndrove jetë në krahët e mi… Sa të lumtur ishim që më në fund Roelit po i bëheshin dokumentet në Itali, që ta çonim te specialistët më të mirë. Sa jemi lodhur, sa jemi stresuar… dhe askush nuk e di,” shkruan ajo.

Selvija shprehet se largimi i Shpatit erdhi në një moment kur djali kishte më shumë nevojë se kurrë për të atin.

“E le Roelin vetëm… në kohën kur i duheshin më shumë duart e tua. Si t’ia shpjegoj Roelit që babai nuk është më?”

Ajo ndalet edhe te humbja e partnerit të jetës, njeriut që i kishte premtuar dashuri të përjetshme.

“Më thoje se do të më doje deri sa vdekja të na ndante… por pse u ndave nga jeta në krahët e mi?”

Mesazhi prekës mbyllet me një lutje që ka bërë xhiron e rrjeteve:

“Uroj të takohemi në Xhenet… Allahu të deshi pranë vetes, por unë mezi pres të zgjohem nga gjumi dhe të jesh këtu për ne.”

Dedikimi i saj është shpërndarë gjerësisht dhe ka prekur mijëra njerëz, të cilët po i bashkohen dhimbjes së thellë të familjes Kasapi.