Me tone të larta është zhvilluar debati në studion e Fan Club këtë të diel, teksa diskutohej se kush e meriton ta fitojë këtë edicion të Big Brother VIP Albania 3. Arbër Zeka, ish-fitues i Big Brother 5, u shpreh se Meritoni duhet ta fitojë, ndërsa Donald Veshaj tha se e meriton vëllai i tij, Romeo.

Gjatë debatit, Zeka theksoi se Heidi nuk e meritonte finalen, duke shtuar se ajo dhe Romeo kanë ecur përpara në lojë vetëm për shkak të historisë së tyre të dashurisë. Në kundërshtim, Donaldi argumentoi se edhe për të mbajtur një lidhje dashurie në këtë format është e vështirë dhe kërkon aftësi të veçanta.

“Është e vërtetuar se në këtë format, historitë e dashurisë ecin. Edhe për të mbajtur një lidhje dashurie në këtë format, kërkon b….,” tha Donaldi, duke nënkuptuar se ky aspekt nuk është më pak i rëndësishëm.

Ai gjithashtu shtoi se, edhe nëse Heidi do ta fitonte lojën, ai nuk do të mërzitej, duke treguar një qëndrim pozitiv ndaj çdo rezultati përfundimtar.