Administrata e Joe Biden po shkon drejt një ere të re për emigrantët, në ndryshim nga paraardhësi i tij Donald Trump.
Agjencia qeveritare e SHBA-së e ngarkuar me dhënien e vizave, Green Card dhe natyralizimeve ndryshoi deklaratën e misionit, duke zhbërë vendimin penalizues të epokës Trump, që e kishte shtyrë ofruesin e shërbimit të imigracionit drejt një fokusi në sigurinë e vendit.
Deklarata e re e misionit të Shërbimeve të Shtetësisë dhe Imigracionit të Shteteve të Bashkuara (USCIS), teksti thotë: “USCIS mbështet premtimin e Amerikës si një komb i mirëseardhjes dhe mundësisë me drejtësi, integritet dhe respekt për gjithçka që ne i shërbejmë”.
Drejtori i USCIS, Ur Jaddou njoftoi misionin e ri të agjencisë në një deklaratë të mërkurën, duke thënë se “Shtetet e Bashkuara janë dhe do të mbeten një komb mikpritës që pranon njerëz nga e gjithë bota”.
“Në thelb, USCIS si institucion ka të bëjë me dhënien e vendimeve për familjet, bizneset, punëtorët dhe ata që kërkojnë strehim në SHBA për aplikimet, peticionet, kërkesat dhe apelimet e tyre. Kjo deklaratë e re e misionit pasqyron karakterin gjithëpërfshirës si të vendit tonë ashtu edhe të kësaj agjencie”, tha Jaddou.
Përfshirja e frazave “komb i mirëseardhjes dhe mundësisë” dhe “respekt për të gjithë ata që ne shërbejmë” bie ndesh me deklaratën e epokës së Trump që u zbatua nga drejtori i atëhershëm i USCIS Lee Francis Cissna në 2018, shkuan the The Hill.
Ndryshimet pasqyrojnë ndarjet politike rreth mënyrës sesi duhet të menaxhohet imigracioni dhe deri në një masë debatin më të gjerë nëse Shtetet e Bashkuara duhet të zgjerojnë mundësitë për emigrantët që të hyjnë legalisht në vend.
Jaddou javën e kaluar kërkoi më shumë fonde për agjencinë në mënyrë që të shqyrtonte një numër në rritje aplikimeve të vizave të krijuara pjesërisht nga pandemia e koronavirusit dhe pjesërisht nga ngadalësimet dhe ricaktimet e stafit gjatë administratës Trump.
“Puna e USCIS e bën mundësinë e Amerikës realitet për emigrantët, komunitetet dhe ekonomitë me të cilat bashkohen, dhe kombin në tërësi. Në USCIS, ne e dimë se sa herë që japim përfitime imigrimi ose natyralizimi, ne ofrojmë mundësinë për të na ndihmuar të ndërtojmë një Amerikë më të fortë. Dhe kur u ofrojmë strehim atyre që kanë nevojë për mbrojtje, ne po jetojmë sipas idealeve më të larta të kombit tonë”, tha Jaddou në deklaratën e saj të mërkurën.
