Holanda ka vendosur të investojë më shumë se 420 milionë dollarë për të prodhuar automjete luftarake të dizajnuara nga Suedia për Ukrainën. Sipas “Defense News”, ky lloj tanku, i njohur si CV90, po përdoret tashmë me sukses nga ushtarët ukrainas në frontin e betejës.
Tanket e reja pritet të dorëzohen Ukrainës deri në vitin 2026. Brigada e 21-të e ushtrisë së Ukrainës u furnizua me këto tanke në verën e vitit 2023.
“Kipish”, drejtuesi i një prej këtyre automjeteve, i cili punonte në ndërtim në Poloni, shpjegon se nevoja për të mbrojtur familjen e tij e shtyu atë të kthehej në Ukrainë kur konflikti me Rusinë u përkeqësua.
“Kur pashë në internet se armiku po na bombardonte, mora në telefon vajzën time, njeriun më të çmuar në jetën time. Dhe ajo tha: ‘Babi, ata po na qëllojnë!’,” tha ai.
Tanku CV90 mund të përdoret për transportimin e trupave dhe për sulme kundër tankave të armikut nga forcat e këmbësorisë.
Ministri holandez i mbrojtjes ka konfirmuar që në fillim të qershorit ata kanë rënë dakord të shpenzojnë mbi 420 milionë dollarë për prodhimin e disa dhjetëra tanke suedeze për Ukrainën.
