Modelja dhe prezantuesja italiane Ilari Blazi ka bërë një prezantim të rrallë në programin “Verissimo” për të folur mbi ndarjen e saj nga ish-lojtari i Romës, Françesko Toti.

Pas një periudhe heshtjeje, Blazi ka vendosur të ndajë “të vërtetën e saj” në një intervistë televizive ekskluzive.

Në intervistë, ajo ka zbuluar detaje të ndara dhe ka bërë një analizë të thelluar të raportit të tyre.

Mediat italiane janë përfshirë në një stuhinë spekulimesh rreth ndarjes së tyre, dhe kjo intervistë ka sjellë dritë mbi shumë pyetje dhe konfuzione.

Ilari Blazi ka treguar se është gati të flasë hapur për eksperiencat e saj personale dhe shkaqet e ndarjes së tyre.

“Kam kaluar një vit e gjysmë, duke vëzhguar dhe kuptuar atë që kishte ndodhur. Kam lexuar dhe dëgjuar të gjitha këndvështrimet dhe opinionet e ndryshme. Por ishte historia ime dhe gjithmonë vendosa fytyrën time në gjithçka që bëja. Kështu që këtë herë, edhe mua më është dukur mirë. Françesko ka qenë gjithmonë xheloz për mua, xhelozia e tij nuk ishte asgjë e re. Por nuk më pëlqen ta krahasoj këtë me tragjeditë e sotme. Ai është babai i fëmijëve të mi. Ndoshta ishte i hutuar, i frikësuar, ndoshta ishte një rrugë më e lehtë arratisjeje, por asgjë si ajo që ndiejmë këto ditë”,- thotë Ilary Blasi, e cila tha për ‘Verissimo’ se futbollisti madje i kërkoi të linte punën dhe rrjetet sociale për t’iu përkushtuar familjes.

“Të tjera tradhëti? Ndoshta po, por nuk kam prova. Në zemër tani them po”,- tha Ilari për marrëdhënien mes Totit dhe Noemi Bokit.

Për sa i përket përmbajtjes së ‘Unico’, një dokumentar i Netflix, ku tregohen arsyet e prishjes së martesës mes Totit dhe prezantueses, ajo pohon se “nuk kam pse të bind askënd”.

“Unë u përpoqa me çdo mjet për të shpëtuar këtë martesë dhe bëra atë që duhet të bënte një grua dhe nënë. Por nuk funksionoi,” tha ajo.