Një episod i pazakontë ka ndodhur me futbollistin spanjoll Carles Perez, ish-lojtar i Barcelonës dhe Romës, aktualisht pjesë e ekipit të Arisit të Selanikut.

Sipas mediave spanjolle, 26-vjeçari përfundoi në spital pasi u kafshua në organet gjenitale nga një qen. Ngjarja ndodhi gjatë një shëtitjeje, kur Perez ishte me qenin e tij personal. Në një moment, kafsha e tij u sulmua nga një qen tjetër, dhe futbollisti u përpoq t’i ndante.

Gjatë përpjekjes, qeni agresor e kafshoi futbollistin pikërisht në zonën intime. Ai u transportua menjëherë në spital dhe është jashtë rrezikut për jetën, por ndodhet nën kujdesin e mjekëve. Fatmirësisht, dëmtimet nuk janë serioze.

Si pasojë e incidentit, Carles Perez do të humbasë ndeshjen e kësaj jave në Ligën e Konferencës, ku Arisi përballet me Arazin e Azerbajxhanit, pas humbjes në ndeshjen e parë.

Ngjarja ka shkaktuar habi dhe është komentuar gjerësisht në rrjetet sociale për shkak të natyrës së pazakontë të lëndimit.