Këngëtarja shqiptare me famë ndërkombëtare, Bebe Rexha, ka përjetuar një incident të rëndë me kompaninë e fluturimeve ‘Lufthansa’ në Aeroportin e Mynihut, Gjermani. Në një video të publikuar në InstaStory, ajo pretendonte se ishte ndaluar nga një agjent sigurie i aeroplanit, i cili e kishte kërcënuar pasi i kishte folur në shqip, duke menduar se ishte shqiptar.

Në videon e publikuar, Bebe Rexha shfaqej duke qarë me ngashërim në aeroport. Megjithatë, sot ajo ka njoftuar se ka arritur në shtëpi në gjendje të mirë dhe të sigurt. Ajo ka falënderuar të gjithë ata që i dërguan mesazhe mbështetjeje dhe shprehu falënderime për arritjen e saj të sigurt në shtëpi.

“Faleminderit të gjithëve që më dërguan mesazhe dhe treguat shqetësim për mua. Mbërrita në shtëpi e sigurt, Faleminderit zotit,” shkroi ajo në postimin e saj të fundit.

Kujtojmë se më 17 gusht, Bebe Rexha denoncoi në Instagram se ishte kërcënuar në aeroportin e Riadit në Arabinë Saudite, ndërsa priste të udhëtonte drejt Los Anxhelosit. Sipas saj, një punonjës i Lufthansa e kishte kërcënuar se nuk do e lejonte të udhëtonte pasi ajo i kishte folur shqip, duke menduar se ai ishte shqiptar. Ajo e cilësoi këtë veprim si diskriminim për shkak të origjinës së saj shqiptare.