DJ i njohur Vin Veli do të bëhet baba për herë të dytë. Pas një periudhe të shkurtër spekulimesh, ku ai ndau një foto me një vajzë të panjohur për publikun, është zbuluar se kjo është Karolina Gasiunaite, një vajzë që nuk është shqiptare. Ajo kishte bërë tag Vin Velin në një postim në Milano, duke nxitur dyshime se ata ishin në një lidhje të re.

Në një postim të fundit, Vin Veli ka ndarë një foto me Karolinën, ku ata shihen pranë njëri-tjetrit, duke festuar ditëlindjen e saj. Ajo që ka tërhequr vëmendjen ka qenë barku paksa i rrumbullakosur i Karolinës, që konfirmon se ata janë shumë afër të bëhen prindër për herë të parë së bashku. Karolina ka postuar disa foto në profilin e saj, ku ka treguar barkun e saj të rrumbullakosur, duke bërë të qartë shtatzëninë.

Vin Veli është baba i një djali, Arborit, nga lidhja e tij e mëparshme me Bora Zemanin. Pavarësisht ndarjes, ata kanë ruajtur një marrëdhënie të shkëlqyer dhe kanë festuar së bashku 10-vjetorin e Arborit, duke dhënë një model të mirë prindërimi.