Një aksident i rëndë ka ndodhur ditën e sotme në Itali.

Fatkeqësisht viktimë i këtij aksidenti është një i ri shqiptar, banues në Argenta, Ferrara, Itali.

Mediat italiane shkruajnë se aksidenti i rëndë ndodhi pasditen e kësaj të diele (29 nëntor) në Argenta, ndërsa viktima është identifikuar si Gevis Muhaj 22 vjeç.

I riu nga Shqipëria ishte mekanik dhe punonte në një kompani në shtetin italian. Ai po udhëtonte me makinë për në shtëpi, kur ai humbi kontrollin e mjetit dhe u përplas me një pemë.

Përplasja e makinës tip “Ford Fiesta” me pemën ishte e fortë, duke i shkaktuar 22-vjeçarit vdekjen e menjëhershme.

Pavarësisht se në vendin e ngjarjes mbërritën ambulancat, Gevis Muhaj nuk arriti të mbijetonte. Madje, trupi i tij u nxorr me vështirësi nga automjeti.