Një shqiptar është arrestuar nga autoritetet italiane për përfshirje në trafikun e drogës në bregun e Formias, pranë plazhit të “Gianola”.

Sipas mediave italiane, i riu punonte si ‘postier’, duke shpërndarë kokainë me biçikletë elektrike. Pas dyshimeve për lëvizjet e tij të shpeshta, policia kreu një kontroll fizik, si dhe bastisi banesën e tij.

Falë ndihmës së qenit antidrogë “Jessy”, u zbuluan 30 doza kokainë dhe një shumë prej 10 mijë eurosh në cash, e dyshuar si e ardhur nga aktiviteti i paligjshëm.

Prokuroria e Cassino urdhëroi arrestimin e të riut, ndërsa gjyqtari për Hetimet Paraprake vendosi ndaj tij masën e detyrimit për t’u paraqitur çdo ditë në policinë gjyqësore dhe sekuestroi pasuritë e tij.