Kryeministri Edi Rama ka ndarë disa pamje nga inspektimi i tij në punimet e tunelit të Llogarasë në jug të vendit, përmes një postimi në Facebook. Ai shkroi se punimet janë drejt finalizimit dhe shumë shpejt do të mund të shkohet në jug “sa hap e mbyll sytë”.
Tuneli do të lidhet me rrugën Orikum-Dukat dhe me Palas-Dhërmi, duke pasur 4 korsi. Prania e këtij tuneli pritet të lehtësojë ndjeshëm qarkullimin e mjeteve drejt jugut. Pas hapjes së planifikuar në fund të muajit tjetër, mjetet e tonazhit të rëndë do të kalojnë përkohësisht nga rruga e vjetër, dhe jo nëpër tunel.
