Tragjedi në Civitanova: 20-vjeçari shqiptar mbytet pas një konflikti familjar

CIVITANOVA, Itali – Një ngjarje e rëndë ka tronditur qytetin e Civitanovës më 22 shkurt, kur një 20-vjeçar, Rikardo Mërkuri, humbi jetën në ujërat e portit të qytetit. Sipas familjes, i riu dyshohet se i dha fund jetës, besuar se kishte vrarë nënën e tij, Albana Kastriot.

Në një intervistë për mediat italiane, babai i të riut, Mario Mërkuri, shprehu dhimbjen dhe bindjen e tij: “Ka menduar se nëna kishte vdekur dhe e bëri atë gjest. Ishte i vendosur”. Sipas familjes, mbrëmjen e së premtes, ata kishin darkuar për ditëlindjen e Rikardos. Më pas, pas largimit të babait nga shtëpia, mes nënës dhe djalit shpërtheu një debat i ashpër që përfundoi me agresion fizik nga ana e 20-vjeçarit.

Albana Kastriot, me origjinë shqiptare dhe banore e Pollenzës prej vitesh, u dërgua fillimisht në spitalin e Maceratës dhe më pas në spitalin rajonal të Torrette, ku pritet të i nënshtrohet kirurgjisë maksilofaciale. Gjendja e saj është përmirësuar dhe ndodhet jashtë rrezikut për jetën.

Trupi i të riut ndodhet në morgun e spitalit të Civitanovës që prej së dielës, ndërsa komuniteti lokal është thellësisht i tronditur. Familja Mërkuri, e njohur në komunitet, lë pas edhe vëllain e madh Alessio dhe gjyshen Bedrie.

Babai ka treguar se edhe më parë kishin ndodhur debate mes nënës dhe djalit, por asgjë që të paralajmëronte një fund tragjik të këtij niveli. Hetimet vijojnë për të sqaruar plotësisht rrethanat e ngjarjes.