Në intervistën e tij të parë pas eliminimit nga Big Brother VIP, Kelly e ka cilësuar këtë eksperiencë si më të veçantën ndonjëherë, duke theksuar se ka shijuar çdo moment në shtëpi.

I pyetur nga Ledion Liço për arsyen pse një pjesë e ish-banorëve mendonin se ai nuk krijoi dinamika të tijat, Kelly u shpreh se hyrja e tij e vonshme në lojë dhe ndarja e poleve e bënë të vështirë ndërhyrjen në situata.

“Fillimisht u përpoqa të ruaja neutralitetin, por ishte e vështirë sepse shumica e banorëve e kishin izoluar lojën mes tyre. Unë jam natyrë më e tërhequr dhe nuk dua të dal nga vetja ime”, tha ai.

Sa i përket përplasjes me Rozana Radin, Kelly tha se nuk mendon se ai debat e penalizoi, por fakti që ishte një lojtar me më pak ditë në shtëpi dhe më pak dinamika, e bëri të qartë që ai do të largohej.

Nga ana tjetër, opinionistët Neda Balluku dhe Arbër Hajdari vlerësuan qasjen e tij të qetë në lojë, ndonëse theksuan se nuk arriti të çante plotësisht si lojtar. Arbri gjithashtu nënvizoi se përdorimi i informacionit nga jashtë dhe debati me Rozanën mund ta kenë ndikuar disi negativisht.

Në fund, kur u pyet për fituesin e edicionit të 4-të të Big Brother VIP, Kelly u përgjigj “Gjesti”, duke dhënë kështu parashikimin e tij për finalen.