Një përleshje masive ka ndodhur mbrëmjen e sotme në zonën e Bathores, ku janë plagosur të paktën katër persona. Burime nga policia bëjnë me dije se efektivët e Komisariatit nr. 5 kanë shoqëruar disa persona për të sqaruar rrethanat e ngjarjes.

Të plagosurit janë transportuar menjëherë në Spitalin e Traumës në Tiranë, ku po marrin ndihmë mjekësore.

Sipas informacioneve paraprake, gjatë konfliktit janë përdorur thika dhe sende të forta, ndërsa policia ndodhet në vendngjarje për të identifikuar dhe ndaluar të gjithë personat e përfshirë në përplasjen e dhunshme.

Hetimet vijojnë për zbardhjen e plotë të ngjarjes.