Një konflikt mes dy qytetarëve në Kavajë ka përfunduar me plagosjen e njërit prej tyre. Një 34-vjeçar është plagosur me armë zjarri. Ngjarja ka ndodhur pas mesnatës në lagjen numër 5 në qytetin e Kavajës.

Policia njofton se është plagosur në këmbë shtetasi Sh. Sh., 34 vjeç, i cili ndodhet në spital, jashtë rrezikut për jetën.Ndërkohë policia është duke vijuar hetimet për kapjen e autorit.

Informacion paraprak

Rreth orës 00:30, në lagjen nr.5, Kavajë, pas një konflikti për motive të dobëta shtetasi E. S., 34 vjeç, dyshohet se ka qëlluar me armë zjarri në këmbë shtetasin Sh. Sh., 34 vjeç, i cili ndodhet në spital, jashtë rrezikut për jetën.

Vijon kontrolli  i zonës nga shërbimet e Komisariatit të Policisë Kavajë, për kapjen e shtetasit E. S.

Grupi hetimor, në bashkëpunim me Prokurorinë, po punon për sqarimin e rrethanave të ngjarjes.