Jozefin Marku është përjashtuar sot nga “Big Brother” me zarf të zi, pas debatit të ashpër me banorin tjetër, Gjesti, të cilit iu drejtua me shprehjen “kopil shkjau”.

Pas largimit, Marku u shfaq në një intervistë për “Shqipëria Live” në Top Channel, ku pranoi se kishte përdorur një krahasim të tepruar, por theksoi se nuk e kishte drejtuar drejtpërdrejt ndaj Gjestit. Ai shtoi se banori tjetër po viktimizohej, duke pretenduar se ai vetë përfaqësonte më mirë Kosovën sesa Gjesti.

Deklaratat e Markut pas Përjashtimit

“Nuk ia thash aspak personit në fjalë ose me tendencën e asaj historie të rëndë që kemi. Më vjen keq që jam përjashtuar. Më erdhi keq për Lorin, Bonën dhe Aldon.
Është një krahasim i tepërt, e pranoj, por nuk ishte i drejtuar direkt ndaj Gjestit. Vetëm një njeri pa gjak shqiptari mund ta bëjë këtë dhe të mos kërkojë falje. Ai s’di të kërkojë falje, viktimizohet.

Shqiptarët e Kosovës i dua unë më shumë se Gjesti dhe mund të tregoj shembullin më të mirë për ta. Ai që mund t’i përfaqësojë kosovarët jam unë.”

Përjashtimi i Markut ka sjellë reagime të shumta në rrjetet sociale, ku opinioni publik është i ndarë mes atyre që e mbështesin vendimin dhe të tjerëve që e konsiderojnë një masë të ashpër.