Policia ka identifikuar autorin e dyshuar të plagosjes me thikë të Ergyst Shtyllës, 40 vjeç, i cili ndodhet në reanimacion pas ngjarjes së ndodhur mbrëmjen e së martës.

Sipas njoftimit zyrtar, pas hetimeve të para dhe informacionit të siguruar, autori i dyshuar është shtetasi D. M., 39 vjeç. Viktima ka deklaruar se është sulmuar me thikë nga D. M. për motive të dobëta.

Policia ka intensifikuar kontrollet për kapjen e autorit, ndërsa nën drejtimin e Prokurorisë vijon puna për sqarimin e plotë të rrethanave dhe dokumentimin ligjor të ngjarjes.