Kryeministri i Shqipërisë, Edi Rama, ka mbërritur mbrëmjen e sotme në darkën zyrtare të organizuar nga Familja Mbretërore e Holandës, në kuadër të samitit të NATO-s që po zhvillohet në Hagë.

Në pamjet e publikuara nga mediat ndërkombëtare dhe vendase, kreu i qeverisë shqiptare shfaqet i shoqëruar nga bashkëshortja e tij, Linda Rama, teksa përshëndet mikpritësit dhe liderët e tjerë të vendeve anëtare të Aleancës Veri-Atlantike.

🥂 Ngjarja, e zhvilluar në një nga ambientet zyrtare të Familjes Mbretërore, përbën jo vetëm një moment ceremonial, por edhe një platformë të rëndësishme për takime joformale mes liderëve dhe konsolidim marrëdhëniesh në një atmosferë më pak formale, në prag të diskutimeve strategjike që do të pasojnë në seancat plenare të samitit.