PRISHTINË – Kryeministri i Kosovës, Albin Kurti, ka riafirmuar angazhimin e Kosovës për normalizimin e plotë të marrëdhënieve me Serbinë. Ai nënvizoi se çdo zgjidhje e qëndrueshme duhet të bazohet në njohjen e ndërsjellë mes dy shteteve.

Përmes një postimi në X, Kurti bëri të ditur se ka zhvilluar një takim me Përfaqësuesin e Posaçëm të Bashkimit Evropian për dialogun Kosovë–Serbi, Peter Sorensen, ku u diskutuan hapat e mëtejshëm për arritjen e marrëveshjes gjithëpërfshirëse.

Kryeministri theksoi rëndësinë e dialogut të drejtë dhe të qëndrueshëm, duke e cilësuar si prioritet kyç për stabilitetin rajonal dhe integrimin euroatlantik të Kosovës.