Publikohet një video ku një klient qëllon me thikë kuzhinierin shqiptar në një restorant në Selanik të Greqisë. Mediat greke kanë bërë publike pamjet e rënda, duke treguar momentin kur shqiptari goditet me thikë në pjesën e barkut nga klienti.

Në momentin e sulmit, kuzhinieri ishte i shoqëruar vetëm nga bashkëshortja e tij, e cila po përpiqej ta mbrojë nga agresori, i cili më pas u largua nga restoranti. Klienti fillimisht kishte bërë porosinë, por pas një debate mes tyre, situata eskaloi dhe klienti mori thikën e kuzhinës dhe e goditi shqiptarin në stomak.

Në deklaratën e tij, kuzhinieri tregon se klienti agresor kishte qenë vizitor i rregullt në restorant për 5 vite. Pas një porosie të lehtë, klienti nuk u kënaq dhe filloi debati, që më pas çoi në sulmin me thikë. Shqiptari u nënshtrua një operacioni në spitalin e Selanikut për shërimin e plagëve të tij.

I pandehuri thotë se nuk ka qenë i vetëdijshëm për atë që po bënte dhe se në momentin e sulmit ishte në gjendje të dehur. Avokati i kuzhinierit shton se nëse bashkëshortja nuk do të ndërhynte, klienti do të vazhdonte sulmin, duke shprehur shqetësim për rrezikun potencial të një sulmi të dytë me thikë.

Pamjet e momentit ku sulmohet kuzhinieri shqiptar/ Klikoni Linkun