Ka nisur seanca plenare në Kuvendin e Shqipërisë, ku po diskutohet për problematikat që prekin qytetarët.

Gjatë fjalës së saj, deputetja demokrate Ina Zhupa komentoi me ironi rastin e ish-zëvendës presidentes së Komisionit Evropian, Federica Mogherini, e cila u arrestua të martën me akuza për mashtrim dhe korrupsion.

“Sot kuptuan të gjithë ç’nënkuptojmë me standard europian. Jam në një dilemë, nëse këta janë të korruptuar që zgjedhin të bashkëpunojnë në Shqipëri apo vijojnë e masterizohen këtu për t’u korruptuar”, tha Zhupa, duke ironizuar mbi interpretimin e mazhorancës për standardet europiane.

Komentet e saj vijnë pas përplasjeve të fundit të Partisë Demokratike me eurokomisioneren Marta Kos, lidhur me deklaratat e saj për zgjedhjet e 11 majit, të cilat Kos i kishte cilësuar të lira dhe të ndershme.